Идеална за ладни и мрачни денови, ќе ве загрее и засити како ништо друго. И најдобро од сè, има само девет грама јаглехидрати по порција.

Состојки (за 4 порции):

– 800 мл супа од зеленчук
– 500 г мелено месо
– 225 г крем сирење
– 200 грама павлака (или по вкус)
– ½ кромид
– 1 праз
– 1 прстофат морско оревче
– сол и црн пипер
– малку путер или масло

Подготовка:

Кромдиот излупете го и ситно исечкајте. Празот исечете го на тенки ленти и оставете ги настрана.

Во поголемо тенџере, на малку путер или масло пржете го меленото месо масло 6-8 минути додека повеќе не е розово.

Во меленото месо додадете го кромидот и празот и динстајте уште 5 минути. Во тенџерето додадете ја супата од зеленчук и оставете сè да се динста околу 10 минути.

Измешајте ги сирењето, павлаката и зачините. Потоа уште еднаш кратко сварете ја супата и послужете ја топла.

Одвојте доволно време за да го испржите меленото месо додека не стане ронливо. Само тогаш може навистина да го развие својот вкус и подоцна да го пренесете во супата.

Колку е поголемо тенџерето или тавата, толку покрцкаво ќе биде меленото месо. Супата од мелено месо, сирење и праз можете лесно да ја замрзнете.