Обезбедете му ги на вашиот организам потребните витамини и минерали, денеска подгответе домашна чорба од компири и пченка. Во рецептот за домашна супа се додаваат компири и пченка, па можете да ја јадете и како самостојно јадење во секое време од денот. Супата е закрепнувачка и може да помогне во зајакнувањето на вашиот имунитет во текот на преодниот период.

Состојки:

– 3 лажици масло
– 1 кромид
– 3 моркови
– 2 стебленца целер
– 6 чешниња лук
– 800 г сечкани домати
– 3/4 лажичка бибер
– 1 лажица мајчина душица
– 1 коцка за пилешка супа
– 1,5 л топла вода
– 450 г компири
– 260 г боранија
– 1,5 шолји пченка
– 2 ловорови листови
– 1,5 лажички сол
– 1,5 шолја грашок
– 1/4 шолја сечкан магдонос

Подготовка:

Кромидот и лукот, целерот и морковот исечкајте ги на кругови. Сипете масло во тенџерето, а потоа додајте го кромидот. Се динста околу 10 минути, па се додаваат морковот, целерот и лукот и убаво се меша. Гответе на тивок оган, а потоа додајте мајчина душица и магдонос. Гответе уште 10 минути, нежно мешајќи. Растворете ја коцката за пилешка супа во 1,5 л топла вода, а потоа додајте ја супата во тенџерето со зеленчукот.

Компирите измијте ги, излупете ги и исечкајте ги, па додајте ги заедно со боранијата. Додајте ги и пченката и ловоровите листови и добро измешајте. Посолете, па покријте и варете ја домашната супа додека зеленчукот не омекне. Кога ќе зоврие, додајте го грашокот и сечканиот магдонос, па варете ја домашната супа додека грашокот не биде готов.