Путин го одби повикот на парламентот: Нема да и наметне санкции на Грузија – Слободен печат
ВестиПланета

Путин го одби повикот на парламентот: Нема да и наметне санкции на Грузија

Путин објасни дека нема да поддржи санкции и дека сака да ги поправи, а не да ги влоши врските со поранешната советска република.

Претседателот на Русија, Владимир Путин, денеска го одби повикот на парламентот да и наметне санкции против Грузија, истакнувајќи дека треба да се работи на подобрување на влошените односи.

Москва ги критикуваше во изминатите денови антируските протести во Грузија и вчера го осуди непримерниот говор против Путин на грузиска телевизиска емисија.

Кремљ претходно реагираше на настаните со забрана на патничките летови меѓу двете земји, поради што на грузискиот туризам му се закануваат големи штети имајќи предвид дека над милион Руси секоја година ја посетуваат таа земја.

Путин објасни дека нема да поддржи санкции и дека сака да ги поправи, а не да ги влоши врските со поранешната советска република.

– За повторно да можеме да ги вратиме целосните врски, нема ништо да направам што би ги искомплицирало нашите односи, од почит кон грузискиот народ –  кажа Путин во Екатерининбург.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close