Три жени и девојче се ранети денеска во централниот дел на Лондон, откако во нив било пукано од автомобил во движење, соопшти лондонската полиција.

Повредени се три жени на возраст од 54, 48 и 41 година. Инцидентот се случил во близина на црква каде се одржувал погреб. Британскиот јавен сервис, пак, наведе дека при пукањето повредено е и седумгодишно девојче.

Во соопштението на полицијата се наведува дека и девојче било пренесено во болница поради повреди „за кои се претпоставува дека ги добила во истиот инцидент“.

Очевидци велат дека било трауматично.

„Никој не знаеше дали се работи за бомба или за вооружен маж. Баравме места за криење. Сите само се забивме во аглите каде што можевме. Тргнавме по 10-тина минути“ изјави очевидецот.

Се трага по напаѓачите.