ПУКААТ „БОМБИ“ ЗА „МОНСТРУМ“: Се слушаат гласовите на Јанакиески, Камчев, Нада Груевска – Откриено како бил убиен рибарот

Јавната обвинителка Фатиме Фетаи на денешното рочиште за случајот „Монструм“ на судијата Огнен Ставрев му даде документ, овластување кое го потпишал јавниот обвинител Љубомир Јовески со кој тој ја овластува Фетаи и обвинителот Гаврил Бубевски да бидат застапници на државата во случајот.

Фатиме Фетаи објасни дека за овој предмет поседуваат 25 снимени разговори од бомбите и 1.330 пораки, како и други материјали. Голем дел од снимките кои денеска се презентираат се направени ден или неколку дена после масакрот кај Смилковското Езеро. На ваквата информација реагираа дел од родителите на убиените деца кои рекоа дека досега тие снимки ги немаат слушнато.

Првиот пуштен разговор во судницата е снимен на 13 април 2012 година и во него се слуша гласот на поранешниот министер за транспорт и врски Миле Јанакиески.

Во него Јанакисеки разговара со извесен Кире Бошков, кој го прашува министерот дали има информација во врска со „убиството на децата“. На тоа Јанакиески вели дека рибарот од Црешево е убиен затоа што најверојатно бил сведок на убиството на момчињата.

Во голем дел од досега презентираните снимки се слушаат разговори помеѓу Миле Јанакиески и Гордана Јанкуловска со нивни соговорници. Во првата снимка Миле Јанакиевски во разговор со Коце Трајановски го информира дека не можеле да светат светлата кај обиколницата на Смилковско Езеро, бидејќи им биле украдени трафостаниците за струја. Во тој разговор Трајановски му се жали на Јанакиески дека има неколку блокади од граѓаните. Се правеле блокади и кај Драчево и вели дека не сакале да пропуштат Албанци, бидејќи не сакале да бидат во нивното место за живеење. Во разговор меѓу Јанакиески и Гордана Јанкуловска, таа се жали дека ваков настан до тој момент не се случил во земјава, дека ја обезбедиле колата со кои се возеле убијците, знаеле се за нејзе и дека требало време за да се откријат сторителите. Во еден момент од разговорот таа вели „вакво убиство се нема случено во историјата на Македонија“.

Прочитајте и...  Казни за тројца од Ресен за непочитување на полицискиот час

Во разговор меѓу Ленче Самарџиска, секретарка на поранешниот премиер Никола Груевски и Катерина Најденова, неговата гатачка, јавноста имаше можност да дознае дека таа предвиде дека зад убиството стоеле „лица со униформа“ и дека после 15 април ќе сме биле во шок од тоа што ќе се дознаело.

Во разговор меѓу Јордан Камчев и Оливера Трајковска, Јордан го спомнува поранешниот директор на УБК, Сашо Мијалков кој му кажал дека уапсиле 26 лица, сите од Скопје, дека имало дебели докази и дека за некои од вмешаните во убиството знаеле дека се во Косово, а на Американците им рекле „вие ќе ни ги дадете или ние да си ги земеме“.

Камчев и објаснува на Трајковска дека извршителите биле млади, вахабисти, дека имало меѓу нив жени и дека рибарот, најстариот убиен во случајот бил застрелан со калашников од 30 метри.

Прочитајте и...  Починато лице пронајдено во камп за бездомници

Мајката на Никола Груевски, Наде Груевска го информира во еден разговор со Влатко Мијалков дека од Гордана Јанкуловска дознала дека уште немаат никакви докази за грозоморното убиство. Груевска вели дека зад убиството стоеле „гарант“ професионалци и дека она некои свои идеи за немилиот настан му ги пишала на Сашо Мијалков.

Процесот продолжува со презентирање на уште снимки кои досега не беа познати за јавност.

Со преслушување на снимени разговори, во Основниот кривичен суд во Скопје денеска продолжи новото рочиште за судењето за петкратното убиство кај Смилковско Езеро на 12 април 2012 година, познато како предмет „Монструм” на СЈО.

Во тек е преслушување на 25 разговори и 133.000 СМС пораки и други материјали. Првиот пуштен разговор во судницата е снимен на 13 април 2012 година.

Прочитајте и...  Камион излета од патот кај Пелинце

Пред почетокот на преслушувањето, обвинителката Фатиме Фетаи изјави дека разговорите се предадени онака како што ги добиле.

– Не смееме да ги раздвоиме. Како што ни се дадени од (премиерот) Зоран Заев, така ги предадовме, за да не биде дека нешто пропуштаме, истакна Фетаи.

Случајот се наоѓа во доказна постапка и треба да бидат изведени околу 3.900 разговори, кои беа предложени како дополнителни докази од СЈО.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм” го презеде СЈО и предметот беше вратен на повторно судење.

Прочитај повеќе

Казни за тројца од Ресен за непочитување на полицискиот час

МИА Агенција

Кривични пријави за насилството во Матка

Слободен печат

Камион излета од патот кај Пелинце

Горан Наумовски

Тешко повредена жена во сообраќајка во Скопје

Жител на неготинско Тремник пријавил соселанец оти му го натепал детето

МИА Агенција

Седумгодишник паднал од тераса во Кавадарци

Остави Коментар

Прочитај повеќе

Кражбите во гостиварскиот регион намалени за половина

Слободен печат

Починато лице пронајдено во камп за бездомници

Слободен печат

Во скопска болница донесено лице во неконтактибилна состојба со пет убодни рани во стомакот

Слободен печат

Пукање пред пекара од паркирано возило во Прилеп

Слободен печат

Две лица повредени во сообраќајка на патот за гробиштата Раштани кај Велес

Слободен печат

Изгоре куќа на четиричлено семејство од кривопаланечкото село Луке