Митрополитот на МПЦ-ОА, Петар, вечерва во гостувањето на „Телма“ објаснуваше дека неговите коментари кои ги разгневија жените – дека жените често, кога сакаат да докажат дека имаат еднакви права, ја запоставуваат својата улога на жена и мајка, биле извадени од контекст.

„Има жени кои сакаат да имаат кариера и заради кариерата која сакаат да ја имаат, земаат контрацептивни средства и не сакаат да родат дете. Втората работа е дека има жени кои заради тоа што сакаат да уживаат во половите односи, не сакаат да раѓат деца, па затоа ќе ги абортираат“, рече владиката.

„Проблемот е во тоа дека заради кариера, не сака да биде мајка. Заради кариера не сака да забремени“, додаде тој.

„Жената е рамноправна со мажот и јас тоа никогаш не сум го негирал. Само ми се импутира“, тврди митрополитот.

ВИДЕО | Митрополит Петар: Родовата еднаквост е опасна, погубна и отровна идеологија