Приведен маж од Ласкарци, кај него било пронајдено оружје и муниција
Полицијата приведе маж од скопското село Ласкарци откако кај него било пронајдено конвертиран пиштол, две празни рамки за автоматска пушка и куршуми.
„По преземени мерки и активности, денеска (20.10.2023) од страна на полициски службеници од Одделот за криминалистичка полиција- Сектор за недозволена трговија со дрога, оружје и опасни материи во координација со полициски службеници од Единицата за недозволена трговија со дрога и оружје при СВР Скопје, извршија претрес на дом и други простории кај С.З. во село Ласкарци,скопско. При претресот, во близина на помошен објект кој го користи, пронајдени се еден конвертиран пиштол, две празни рамки за автоматска пушка и 16 куршуми. Исто така, при претрес во неговиот дом, пронајдени се и три пиштоли и ловна пушка“, информираат од МВР.
По документирање на случајот, против него ќе биде поднесена соодветна пријава.