По примерот на многу спортови кои ги слават најдобрите, челниците на Премиер лигата одлучија да отворат Куќа на славните.

Во Куќата на славните, ќе има место само за најдобрите кои играле во Премиер лигата од 1992 година па навака, а првите две имиња кои ќе бидат примени, ќе се дознаат на 19 март.

– Место во Куќата на славните во Премиер лигата ќе имаат само најдобрите кои играле во оваа лига. Од 1992 година, Премиер лигата беше место каде играа фудбалери од светска класа кои мотивираа и беа идоли на генерации фудбалери кои сега се меѓу најдобрите. Тоа ќе биде можност за нашите фанови во светот да ѕирнат назад низ годините и да ни помогнат да прославиме некои неверојатни фудбалски кариери – изјави Ричард Мастерс, извршниот директор на Премиер лигата.

Според фановите, како главен фаворит да биде еден од двајцата први членови на Куќа на славните е легендарниот менаџер на Манчестер јунајтед, сер Алекс Фергусон. Фановите типуваат дека вториот член би бил Алан Ширер кој е најдобар стрелец во историјата на Премиер лигата.