Преку 50.000 студенти лани се запишале на македонските универзитети
Според податоците на Државниот завод за статистика, добиени врз основа на пристигнатите извештаи, во Република Северна Македонија, во академската 2021/2022 година се запишале вкупно 51.510 студенти, што претставува зголемување за 1.2% во однос на академската 2020/2021 година.
Уделот на студентките во вкупниот број на запишани е 29.823 или 57.9%.
Најголем број студенти (82.6 %) се запишале на државните високообразовни установи, додека 16.8 % се запишале на приватните универзитети.
На прва година на студии, во оваа академска година, се запишале 13.434 студенти или 26.1 % (тука се опфатени и студентите што запишуваат прва година по втор, трет и повеќепати), соопшти државната статистика.