Повторно се шпекулира трансфер на Меси во Интер!
Уште еднаш, медиумите во Италија пренесуваат дека е можно Лионел Меси да игра во Серија А во екипата на Интер.
Овој пат претпоставката се заснова на информациите дека неговиот татко – Хорхе Меси, купил куќа во Милано. Веста прво ја објави „Радио Раи“, а потоа стигна до насловната страница на „Гаѕета дело Спорт“.
Нероа-аѕурите со години не го кријат својот интерес за најдобриот играч на Барселона, а неодамна еден од нивните главни спонзори изрази подготвеност да финансира евентуален договор.
Според „Скај Спорт Италија“, сепак, ова воопшто не е потенцијален трансфер, туку потег на Меси од чисто финансиска гледна точка. Веќе три години, Италија им нуди многу пониски даноци на богатите странци кои купуваат имот во земјата.
Инаку, Лео веќе влезе во последната година од неговиот договор со Каталонците и преговорите за нов сè уште не се водат.