Потресна исповед на Бојан Маровиќ: Татко ми се самоуби, ништо не укажуваше на тоа
Црногорскиот пејач Бојан Маровиќ доживеал страшна животна загуба кога имал само 16 години. Неговиот татко, за кого бил многу приврзан, се самоубил, а пејачот вели дека му простил сѐ.
„Никогаш не стасав да му кажам толку многу работи што би му ги кажал. Мислев дека ќе бидеме многу стари кога ќе разговараме за сѐ. Моите родители ме добиле кога биле многу млади, па кога останав без татко, не само што изгубив татко, туку и пријател“, рекол Бојан и додал дека времето не ги лекува раните.
View this post on Instagram
„Татко ми се самоуби. Тоа беше момент, тоа не беше планирано. Но, знам дека тој тоа не го сакаше, тоа беше само момент на слабост. Сите ги имаме, кога ти е мачно од сѐ. Кога го погребав и го спуштив во земја, тогаш отиде половина од мене. Никогаш не се опоравив од тоа. Лага е дека времето лекува рани. Не лекува, само тоа го става таму некаде. Многупати дојдов на неговиот гроб и кажав што ме мачи. На почетокот се прашував зошто и како дошло до тоа да си го одзеде животот, но како што минуваат годините сфаќаш дека така морало да биде. Човек би го обвинил Бог, но тој нема ништо со тоа, тоа е само твоја одлука. Ништо не укажуваше на тоа дека би кренал рака на себе, никогаш. Затоа и беше гром од ведро небо кога се случи, а замисли како ме болеше потоа. Малку бев лут некое време, бидејќи сметав дека требаше да биде покрај мене, но му простив за сѐ“, изјавил за „Република.рс“ Бојан, кој е многу приврзан за мајка си.
View this post on Instagram
„Не ми беше цел да бидам ниту богат ниту славен, целта ми беше мајка ми да не мора да работи две работи. Никогаш повеќе во животот. А мојата мајка работеше понекогаш и три, за да бидеме такви какви што сме денес. Можеби не сме идеални, а мислам дека на крајот сме чесни луѓе“, рекол Бојан.
