Поранешниот менаџер на кампањата на Трамп пренесен во болница, се заканувал со самоубиство
Политичкиот консултант Бред Парскале, кој до јули беше раководител на предизборната кампања на американскиот претседател Доналд Трамп во 2020 година, е хоспитализиран по обид за самоубиство, објави „Сан Сентинел”, повикувајќи се на полицијата во Форт Лодердејл, Флорида.
Сопругата на Парскале повикала полиција и изјавила дека нејзиниот сопруг, кој бил во нивниот дом во Форт Лодердејл, бил вооружен и се заканувал дека ќе се самоубие. Полицајците го убедиле Парскале да ја напушти куќата и го однеле во болница.
Трамп го деградираше Парскале во јули затоа што не беше задоволен од организацијата на голем број настани како дел од изборната кампања.
Според медиумите, Парскале бил критикуван затоа што добил милиони долари од средствата наменети за кампањата.
#BREAKING: Former Trump campaign manager Parscale in hospital after wife calls police, says he is ‘armed & suicidal’ – report https://t.co/zWXq2YQRty pic.twitter.com/Kl5mZFtRxP
— RT (@RT_com) September 28, 2020