Покетино планира да ја елиминира Барса без Нејмар!
Се ближи стартот на осминафиналните натпревари во Лигата на шампионите, а секако еден од најинтересните ќе биде двомечот помеѓу ПСЖ и Барселона.
Утре со почеток од 21.00 часот на „Камп Ноу“ е првата пресметка, а реваншот е во Париз на 10 март.
Тренерот на францускиот клуб, Маурисио Покетино верува дека неговите играчи можат и без главната ѕвезда Нејмар да водат рамноправна борба против каталонскиот гигант.
– Секако ни треба јасна структура и идеја како да нападнеме и да ја запреме Барселона. Секогаш веруваме во нашите играчи да ја завршат својата работа на најдобар можен начин и да извлечат позитивен исход. Барса знае да се натпреварува, тим кој е создаден да победува, но истото може да се каже и за ПСЖ – вели Покетино.
Покетино ќе патува во Барселона без клучни играчи како Нејмар и Анхел Ди Марија поради повреди. Килијан Мбапе се очекува да го предводи нападот на париските „светци“, со Мауро Икарди, Мојз Кин, Јулијан Дракслер и Пабло Сарабија како можни стартери.