Подметнат пожар во прилепската депонија - Слободен печат
Хроника

Подметнат пожар во прилепската депонија

Пожарот бил подметнат синоќа од западната страна на депонијата каде се одлага текстилен отпад. Очевидец видел две возила без регистaрски таблички.

На прилепската депонија кај селото Алинци синоќа е подметнат пожар. Огнот е ставен под контрола, но, како што информираат од прилепски „Комуналец”, сѐ уште повремено се јавуваат помали огнени јазици за што дежурна екипа на претпртијатието постојано е на терен и ги санира и оштетувањата на депонијата.

Пожарот бил подметнат синоќа околу 19.30 часот од западната страна на депонијата каде се одлага текстилен отпад. Очевидец видел две возила без регистaрски таблички.

– Поради можноста и ветровите кои постојано дуваат околу депонијата, дежурна екипа од „Комуналец” со две цистерни и градежни машини постојано се на теренот и ги санираат оштетувањата на депонијата. Според очевидец од селото Алинци, кој изутрината се јави во „Комуналец”, пожарот го подметнале лица кои со два автомобила биле во близината на депонијата. Кога очевидецот забележал дека текстилниот отпад е зафатен да гори, заминале со бела „Застава 101″, а имало и второ возило. И двете возила биле без регистарски табли – вели Лилјана Силјаноска од приелпски „Комуналец”.

Во гаснењето на пожарот учествувале  од пртотивпожарната единица и вработени од Комуналец со расположлива механизација. Полицијата направила увид.

Според „Комуналец”, спречена е катастрофа од поголеми размери. Претпријатието до прилепската полиција поднесе пријава до непознат сторител за подметнување пожар.

На депонијата „Алинци” годишно се одлагаат 32.000 тони отпад, од кои 690 тони се исклучиво текстилен отпад. 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close