„Патишта на Србија“ денеска пушта веб-услуга за електронска наплата на патарина. Во почетната фаза услугата ќе функционира на територијата на Србија и ќе биде достапна исклучиво за физички лица.

Во следната фаза, врз основа на досегашните преговори, се очекува пристапување на земјите од регионот, така што преку таа платформа наскоро ќе функционира електронска наплата во неколку заинтересирани земји, соопштија од Патиштата на Србија, објави порталот Каматица.

Ова ќе им овозможи на сите корисници да минуваат низ неколку земји кои учествуваат во заедничкиот проект за поврзување на електронската наплата во регионот со ист уред TAГ.

За да станете корисник на електронска наплата преку уникатната платформа за електронска наплата, потребно е да поседувате ТАГ уред (постоечки или нов) како и платежна картичка (дебитна/кредитна, мастеркард, виза, маестро). По користење на одредена делница од автопатот, на корисниците автоматски ќе им се наплаќаат патарини од нивната регистрирана платежна дебитна/кредитна картичка, пренесува Танјуг.