Претставник на Обединетите нации за Либија, Гасан Салам, предупреди дека битката за Триполи е „само почеток на долга и крвава војна“.

Салам повика веднаш да се преземат чекори за да се прекине дотокот на оружје до завојуваните страни во Либија, односно во битката за главниот град Триполи, која трае од почетокот на април, пренесува „Би-Би-Си“.

Зборувајќи пред Советот за безбедност на ОН, Салам предупреди дека конфликтот би можел да доведе до „хаос во кој сите ќе бидат против сите или ќе дојде до поделба на земјата“.

Според Салам, насилството во околината на Триполи е само почеток на долга и крвава војна во јужните брегови на Медитеранот, со што е загрозена и безбедноста на либиските соседи и се шири во медитеранскиот регион.

Тој додал и дека безбедносниот вакум кој настанал во борбата за Триполи веќе го користат Исламската држава и Ал Каеда.

Подгрупа на Исламската држава во Либија последните неколку месеци изведе низа напади во јужниот дел од во оваа земја.