Почина поранешниот шеф на Мосад кој го предупреди Израел дека се подготвува инвазија во 1973 година
Зви Замир, поранешниот директор на Мосад, чие предупредување дека Египет и Сирија планираат да го нападнат Израел во 1973 година, израелската влада го игнорираше, почина на 98-годишна возраст, јавува Ројтерс.
Смртта на Замир беше објавена од Мосад, која тој ја водел од 1968 до 1974 година. Поранешниот воен генерал Замир стоел и зад израелските убиства на палестинските команданти одговорни за масакрот на израелските спортисти на Олимписките игри во Минхен во 1972 година.
„Неговиот придонес за безбедноста на Израел ќе се памети долго време“, напиша израелскиот министер за одбрана Јоав Галант на Икс.
Замир бил шеф на Мосад кога Сирија и Египет го нападнале Израел на 6 октомври 1973 година.
קיבלתי בצער רב את הידיעה על פטירתו של האלוף צבי זמיר, ממניחי היסוד לפעילות הביטחונית והמודיעינית של ישראל.
זמיר היה לאחד מראשי המוסד הבולטים, והוביל שורת מבצעים נגד ראשי ארגוני הטרור ברחבי העולם.
תרומתו לביטחון ישראל תיזכר לשנים רבות. מערכת הביטחון מרכינה ראש ומצדיעה לזכרו 🇮🇱
— יואב גלנט – Yoav Gallant (@yoavgallant) January 2, 2024
Тој подоцна огорчено рекол дека доушникот му рекол дека Каиро и Дамаск планираат ненадејна офанзива во октомври 1973 година. Но, израелското воено разузнавање го сметало за измама, и затоа владата не објави целосна мобилизација однапред, рече тој.
Неколку часа по дојавата, египетските и сириските сили го нападнале Израел и ги прегазиле израелските линии. Војната во Јом Кипур траела до 25 октомври 1973 година.