Севернокорејскиот лидер Ким Џонг Ун им нареди на владините претставници на продолжената пленарна седница на Централниот комитет на Работничката партија на Кореја да подготват план за „фундаментална трансформација“ во земјоделството, продлабочувајќи ги стравувањата дека недостигот на храна во неговата земја се влошува , пренесуваат британските меидуми.

Како што јави денеска севернокорејската државна агенција КЦНА, Ким Џонг Ун ја нагласи „важноста од растечкото земјоделско производство“ и потребата од „радикални промени“ во земјоделството.

Јужнокорејското Министерство за обединување претходно месецов соопшти дека ситуацијата со храната во Северна Кореја „веројатно се влошила“, пренесуваат британските медиуми.

Во јануарскиот извештај на американската организација „38 Nort“, која се занимава со Северна Кореја, се наведува дека ситуацијата со храната во оваа земја е најтешка од 90-тите години на минатиот век.