Петровска се сретна со Џејмс О’Брајан: Европската интеграција е клучна за гарантирањето на безбедноста и просперитетот на регионот
Министерката за одбрана, Славјанка Петровска вчера се сретна со помошникoт државен секретар на САД за Европа и Евроазија, Џејмс О’Брајан.
Како што напиша Петровска, со средбата се потврди силната американска поддршка за членството на Македонија во Европската Унија, и евроинтеграцијата е клучна за гарантирањето на безбедноста и просперитетот на регионот и на Македонија.
„САД е најблискиот глобален партнер на Европската Унија . Со Северна Македонија како членка, ЕУ ќе биде посилна и пообединета. Македонските граѓани ги живеат европските вредности и затоа ние припаѓаме на големото семејство на европски народи. Интеграцијата е и најдобар одговор на сè побројните обиди за штетни влијанија на трети страни во регионот. Да донесеме храбри и државнички одлуки кои ќе го отворат патот кон една попросперитетна иднина за нашите граѓани“, напиша на фејсбук министерката за одбрана Славјанка Петровска.