Пенелопе Круз ја доби на шпанската национална награда за кинематографија
Познатата шпанска актерка Пенелопе Круз ја доби националната награда за кинематографија во својата земја.
Министерството за култура и спорт на Шпанија соопшти дека наградата ѝ е доделена на актерката, со образложение дека во 2021 година „со своите достигнувања го збогатила шпанското културно наследство“.
Исто така, беше истакнато дека 48-годишната актерка е првата државјанка на Шпанија која ја добила наградата „Volpi Cup“ за најдобра актерка на италијанскиот филмски фестивал во Венеција 2021 година и дека по четврти пат е номинирана за Оскар во категоријата за најдобра актерка.
View this post on Instagram
Нагласено е и дека актерката од Мадрид била една од истакнатите лидери во 1990-тите, кога шпанската кинематографија беше обновена и учествувала во многу општествени и меѓународни филмови.
„Со нејзиниот огромен талент и сестрана личност, таа соработува и има блиски врски со филмски работници од целиот свет, а тоа отвори нови врати и за шпанската кинематографија“, се вели во соопштението.
View this post on Instagram
Покрај Националната награда за кинематографија, Круз доби и парична награда од 30.000 евра.
Во својата мошне богата кариера глумела во 65 филмови, освоила Оскар во категоријата најдобра женска улога за улогата во филмот на Вуди Ален „Vicky Cristina Barcelona“ во 2008 година, а освоила и награди на фестивалите во Кан, Франција и „Goya“ во Шпанија.