Познатиот српски новинар-коментатор Милојко Пантиќ е пуштен на слобода откако ноќта ја помина во полициска станица во Белград на „трезнење“.
– Бев на свадба, малку повеќе испив и се случи тоа што се случи. Никого не убив, никого не згазив – изјави Пантиќ по излегувањето од полициската станица.

Пантиќ минатата вечер беше уапсен откако во алкохолизирана состојба, прво удри во полициски џип, а потоа неколку минути и бегаше на полицијата низ улиците на Белград. Пред апсењето му беше измерено дека има 1.73 промили алкохол во крвта.

„На улицата Старо сајмиште во Нов Белград дојде до сообраќајна несреќа откако М.П. (1947), возач на автомобил „форд фокус“ не постапи во согласност со знакот „задолжително запирирање – стоп“ и продолжи да се движи по што удро во службено возило на интервентната полиција“ стои во соопштението на белградската полиција.