Maкедонската фудбалска легенда, Дарко Панчев искажа поддршка за Драган Џајиќ кој се кандидираше за претседател на Фудбалскиот сојуз на Србија.

Панчев во изјава за српскиот „Спортал“ истакна дека следи што се случува во српскиот фудбал,.

„Ја следам ситуацијата. Видов дека Џаја е еден од кандидатите и му посакувам победа. Секогаш сум за тоа некои поранешни фудбалери да ја водат федерацијата. Фудбалот е комплициран спорти и не е лошо да го води некој кој во него е цел живот. Џаја е токму таков, многу го ценам, беше голем играч, потоа голем директор и многу придонесе за подобрување на југословенскиот фудбал“.

Според Панчев годините не се препрека.

„Природно е Џаја да треба да биде претседател. Веќе е искусен, нема други обврски и може да се сконцентрира само на тоа. Секако, ќе има помош и од оние кои ќе му помагаат, верувам дека може да ја подобри ситуацијата во српскиот фудбал, иако ситуацијата во српскиот фудбал по мене е се подобра од година во година“, изјавил Панчев.

Покрај Џајќиќ својата кандидатура јавно ја потврди и Немања Видиќ, рокот за поднесување на нови кандидатури е до 27-ми февруари.