„Ова е последно“: Енрике Иглесијас најави дека ќе се „пензионира“ од снимањето албуми
Шпанскиот пејач Енрике Иглесијас реши да се „пензионира“, барем кога се во прашање студиските албуми.
Според „Дејли мејл“, албумот „The Final Volumes“ е последниот што Иглесијас ќе го објави во една ваква форма.
Една од најголемите музички ѕвезди од шпанското говорно подрачје ги шокираше своите обожаватели на почетокот од промотивната кампања со изјавата за „Тудеј“: „Албумот е готов. Всушност, тој ќе биде објавен во февруари. нив. Целосно е завршен, она што сакам следно да го снимам се неколку видеозаписи пред вториот дел од мојата концертна турнеја и да ги објавам“.
„Јас работев на овој албум неколку години. Ова за мене ќе биде, како што реков, мој последен албум. Тоа е тоа. Знам дека веќе нема да снимам албуми“.
Сепак, тој нема да престане да се занимава со музика во целост. Иглесијас ќе продолжи да објавува синглови, а и да работи на други и поинакви музички проекти.
Во моментов, тој е на турнеја со Рики Мартин и Питбул.