Познатиот актер Метју Пери почина на 28 октомври 2023 година, кога беше пронајдено неговото безживотно тело на имот во Лос Анџелес.

Овој случај ги шокираше луѓето од целиот свет, а токсиколошкиот извештај покажа дека причина за смртта се акутните ефекти на кетаминот и давењето.

Пет месеци по трагедијата се појавија информации и наводната содржина на неговиот тестамент. Вредноста на неговиот вкупен имот се проценува на дури 120 милиони долари, кој го стекнал во текот на неговата успешна кариера, пишува „Дејли мејл“.

Според странските медиуми, Пери оставил повеќе од милион долари на Фондацијата „Алви сингер ливинг траст“ која ја именувал по ликот од филмот „Ени Хол“ на режисерот Вуди Ален. Во документите стои дека вредноста на личниот имот на ѕвездата е „нешто повеќе од милион долари“ – овие пари ги пронашле неговите извршители како дополнителен имот.

Инаку, Метју потенцирал во тестаментот дека секое дете што може да го добие по 2009 година нема „експлицитно право“ на неговото богатство.

Актерот, кој го играше Чендлер Бинг на „Пријатели“ од 1994 до 2004 година – заработуваше 20 милиони долари годишно од серијата. Родителите на Пери најверојатно ќе ги преземат неговите актерски авторски права, како и други делови од неговиот имот, кој ги вклучува неговите мемоари од 2022 година.

Извршители на тестаментот се Лиза Фергусон и поранешната сопруга на Мајк Мајерс, Робин Рузан.

Некој го хакирал профилот на Метју Пери на Икс