Профилот на починатиот американски актер Метју Пери е мета на хакери. Целта на хакерскиот напад се чини дека била фондацијата, која е основана во чест на ѕвездата на „Пријатели“, како врска за донација, прикажана на врвот на страницата на социјалната мрежа, која ги пренасочувала донаторите на лажна страница која собира донации преку криптовалути, пишува „Скај њуз“.

Профилот на Инстаграм на Фондацијата Метју Пери објави: „Известени сме дека официјалната Икс страница на Метју е хакирана и ги пренасочува корисниците на лажна страница која собира донации преку криптовалути.

Ве молиме не донирајте преку оваа страница и не споделувајте лажни објави на социјалните мрежи. Единствената веб-страница поврзана со Фондацијата е ‘MatthewPerryFoundation.org’, што значи дека донации добиваме само преку неа“.

„Ова е единствениот официјален профил на Фондацијата Метју Пери на Инстаграм и ние објавуваме само официјални информации. Затоа, пријавете ги лажните сметки и не испраќајте донации преку кој било друг канал освен MatthewPerryFoundation.org. #MatthewPerry“, се предупредува.

Во декември, смртта на Пери беше прогласена за несреќен случај поради „акутен ефект од потрошувачката на кетамин“. Актерот, најпознат по улогата на Чендлер Бинг во хит американската комедија Пријатели, беше пронајден мртов во својот стан на 28 октомври.