Повредените се во добра состојба и двајца од преживеаните утре ќе бидат донесени во Скопје, изјави министерот за надворешни работи Бујар Османи на денешната пред конференција. 

Повредените во автобуската несреќа се во добра и стабилна здравствена состојба. Првите двајца ќе бидат пуштени утре, на 27 ноември, други двајца на 28 ноември, уште двајца на 30 ноември и едно лице на 1 декември. Српскиот државјанин ќе биде пренесен во Србија, а нашите во Скопје, во организација на Министерството за здравство, соопшти Османи.

-Ги разгледавме сите наредни чекори за да се справиме со преносот на повредените, и посмртните останки на жртвите, рече тој.

Повредените прво ќе бидат сместени во нашите клиники. Владата ќе ги преземе сите трошоци за транспорт и погреб на жртвите.

–Ќе имаме и средба со члновите на семејствата на починатите. Подготвени сме за сите аспекти во пренесување и на повредените и на посмртните останки од жртвите. Продолжуваме со комуникација со бугарските власти, додаде Османи.