Здружението „Правда на штедачи” денеска 25.05.2021 со почеток во 08.00 часот повторно ќе одржи собир пред Уставниот Суд, на кој ќе се одржи и прес конференција со почеток во 09.00 часот.

Главна причина за собирот е давање на финална поддршка на судиите за донесување на конечна одлука по иницијативата за оценка на уставноста на член 163 став 3 од Законот за банки.

Повеќе детали ќе изнесеме на самата прес-конференција на која се поканети сите медиуми да присуствуваат. БОРБАТА ПРОДОЛЖУВА, велат штедачите. Нема сомнение дека оваа точка на дневен ред во изминатиов период доби огромен публицитет и интерес во јавноста. За нас тоа е разбирливо, бидејќи се работи за многу значајна законска одредба, која во суштина, може да предизвика реформа на законодавството во областа на банкарскиот систем. Токму затоа, ние во Здружението сме свесни дека тоа е причината од каде произлегуваат многубројните опструкции и обиди ова прашање да се стави „под тепих“ или да се затвори со негативна одлука, се вели во нивното соопштение.