Општина Битола дел од Саемот за градежништво и инвестиции во Сараево
Во насока на привлекување нови инвестиции, преку презентација на можностите за економски развој, Општината Битола е дел од саемот „Реал ЕКСПО“, што се одржува во Сараево, Босна и Херцеговина.
Делегацијата на Општина Битола, предводена од градоначалникот Тони Коњановски, пред присутните инвеститори, изведувачи, технолошки компании и други експерти, ги претстави уловите што ги има градот Битола.
Присутните гости и посетители, меѓу кои и Шеикот од Обединетите арапски емирати Мохамед бин Сакр Ал Касими како и премиерот на Кантонот Сараево Нихад Ук, имаа можност да добијат повеќе информации за Индустриската зона „Жабени“, за поранешната касарна, но и да се запознаат со големото културно наследство и условите за развој на туризмот во Битола. Саемот „Реал ЕКСПО“, претставува вистинска можност за вмрежување и воспоставување контакти со потенцијални инвеститори во повеќе области-вели градоначалникот на Општина Битола, Тони Коњановски.
На саемот во Сараево, покрај Општината Битола, од македонските општини, присутни се и претставници на општините Охрид, Гевгелија, Гази Баба и Ресен.