Опседната со розевата боја – Веќе 13 години не носи ништо во друга боја, а и домот од подот до таванот и е розев (ФОТО)
Јасмин Шарлот (32) е наставничка од Швајцарија која веќе 13 години наназад, носи исклучиво розови алишта, чевли и се шминка со розова боја.
Препорачано
Покрај својот начин на облекување, Јасмин со својата омилена боја го украсила и својот стан. Токму затоа, во станот во кој живее, вратите, прозорците, ѕидовите, мебелот, па дури и украсите се розови.
Таа вели дека предметите кои сега се наоѓаат во нејзиниот дом, ги собира уште од малечка. Доколку сепак во продавница најде одреден украс кој многу и се допаѓа, го купува а потоа таа самата дома, рачно го пребојува и го прави розов.
Невообичаениот изглед на станот во кој живее, многупати до сега бил шокантен за луѓето кои и одат на гости.
„Кога некој прв пат ќе ми дојде на госати, најчесто кога ќе види дека кај мене дома се е розово, дури и најмалиот скриен детал, останува шокиран. За среќа до сега никој не побегнал, напротив, веднаш тргнува да го разгледува мојот уникатен дом“ – раскажа низ шега таа.
За ситуацијата да биде уште поинтересна, Јасмин има 100 пара чевли и тоа сите розови. Исто така целата нејзина облека е обоена во таа боја.
„Пред да станам наставничка, научив да шијам. Така започнав самата да си ја изработувам облеката во мојата омилена боја. Никогаш не би можела да работам некоја работа, на пример, во која се носи униформа. Не би можела да носам ништо друго, освен облека која е розова. Веќе 13 години немам облечено ништо друго, освен алишта во розова боја“ – вели Јасмин.
На 19 години Јасмин ги фрлила своите сини панталони и тоа било последното парче облека кое не било во розева боја.
„На почетокот се чувствував непријатно. Не ми се допаѓаше вниманието, но со тек на време сето тоа ми стана нормално, а сега не ни забележувам како ме гледаат другите луѓе“, раскажа таа.
Дури и школските пријатели мислеле дека тоа и е само фаза, но кога ќе ја здогледаат после толку години, остануваат зачудени дека таа се уште е целата во розево.
Нејзините ученици се многу разумни, а ја нарекуваат и „Miss Pink“. Јасмин, исто така, откри дека планира и да се омажи во розева венчаница, пренесува „The Sun“.
