ОЈО го повлече предлогот за притвор на еден од осомничените во случајот со барање пари од бизнисмен
Основното јавно обвинителство го прифати предлогот за првоосомничениот со иницијали М.М., кој се гони за делото измама и му определил притвор од осум дена бидејќи станува збор за предмет по скратена постапка. Кај второсомничениот за лажно претставување, пак, откако обвинителството побарало поблаги мерки, судијата му го одзел пасошот и му наложил повремено да се пријавува во судот.
„По спровод на двете лица во Кривичниот суд, на рочиштето за одлучување по поднесениот предлог, надлежниот јавен обвинител го повлече предлогот за едното лице и предложи поблаги мерки за обезбедување присуство“,соопштија од Основниот кривичен суд.
Во соопштението кое ОЈО Скопје го објави претходно не наведоа дека еден од осомничените е вработен во Агенцијата за национална безбедност (АНБ). Иако според неофицијални информации во случајот тој е лицето што се гони за лажно претставување, од АНБ во изјава за државната агенција МИА демантираа дека вработени во Агенцијата се уапсени или инволвирани во случајот.
АНБ за „Слободен печат“: Целосно ги демантираме наводите за апсења на наши вработени