Официјално: Украина предводена од Ребров ќе гостува во Скопје
Репрезентацијата на Украина конечно и официјално доби нов селектор пред натпреварот со Македонија во квалификациите за Европското првенство.
Украина на 16-ти јуни гостува во Скопје, а во овој натпревар селекцијата ќе ја предводи легендарниот напаѓач Сергеј Ребров. Неговиот договор со Ал Аин од ОАЕ му истекуваше на крајот од овој месец, а сега ги доби потребните документи за да може да стави потпис на соработката со Украина.
„Среќен сум што се вратив во Украина и што ќе работам во мојата татковина. Семејството прифати да се вратиме и пред се сакам да се заблагодарам на вооружените сили кои ја бранат државата и овозможуваат ние нормално да работиме. Разговорите да се вратам беа од поодамна, сега се отвори шансата за соработка. Чест и задоволство ми е што ќе ја водам мојата татковина“, изјави Ребров.
Во Скопје Украина ќе гостува без Олександар Зинченк ои напаѓачот Роман Јеремчук. Пред натпреварот со Македонија, Украина ќе одигра пријателски натпревар со Герменија во Бремен.