По победата на трката за Големата награда на Монако, возачот на „Ред Бул“ Серхио Перез има дополнителна причина за славење бидејќи му беше доделен нов договор.

Перез потпиша двегодишно продолжување на договорот, па со „Ред Бул“ е врзан до крајот на 2024 година. Дојде во тимот на крајот на 2020 година, а минатата сезона ја имаше најуспешната сезона во кариерата со 190 поени и победи во Азербејџан. Четири пати се најде и на подиумот.

– Ова е неверојатна недела за мене, освојувањето на Монако е сон на секој возач, а сега официјалното продолжување на соработката до 2024 година е официјално. Исклучително сум среќен и горд што сум дел од тимот. Се чувствувам како дома. Возбуден сум, сакам да видам каде ќе нè однесе во иднина – вели Перез.

Пофални зборови за Мексиканецот упати тимскиот шеф Кристијан Хорнер.

– Откако ни се приклучи, Перез заврши фантастична работа. Тој се покажа како фантастичен тимски играч. Оваа година направи уште еден чекор кон светскиот шампион Макс Ферстапен и значително ја намали разликата. Ние среќни сме што ќе остане со нас до 2024 година. Веруваме дека имаме возачки тандем кој може да ни ги донесе најголемите успеси во Формула 1 – рече Хорнер.

This is us @SChecoPerez ❤️ #F1

— Oracle Red Bull Racing (@redbullracing) May 31, 2022