Официјално: Дембеле уште две години ќе го носи дресот на Барселона
Сагата околу иднината на францускиот репрезентативец Осман Дембеле денеска заврши со потпишување на нов договор со Барселона до 2024 година.
Дембеле во Барселона пристигна во 2017 година од Борусија Дортмунд во трансфер тежок 140 милиони евра. Беше доведен како замена за Нејмар, но поради честите повреди и неспортскиот живот стана еден од најголените промашувања во клупската историја, па дури и навивачите му го свртија грбот и бараа негово заминување.
Но, работите се променија во ноември минатата година кога клупската легенда Чави Ернандез стана тренер на Барселона. Дембеле под водство на Чави одигра одлична сезона и конечно покажа зошто Барселона го плати дури 140 милиони евра, постигна само еден гол, но имаше дури 13 асистенции и го сврте вниманието на клубовите.
Барселона му нудеше нов договор со кој ќе има помала плата, претходно бараше од него сам да си замине од „Камп Ноу“, но на крајот претседателот Жоан Лапорта успеа да најде заеднички јазик со фудбалерот кој денеска на интересен начин потврди дека останува уште две години.
2̵0̵2̵2̵
2024𝐍𝐎𝐖, 𝐘𝐄𝐒! pic.twitter.com/Exv7olDDwc
— FC Barcelona (@FCBarcelona) July 14, 2022