Одигра само 17 минути, сега Барселона треба да му плати дури 8,5 милиони евра
Фудбалскиот клуб Барселона ќе треба да му плати 8,5 милиони евра на поранешниот играч Матеус Фернандес, според пресудата на шпанскиот суд.
Фернандес пристигна во Барселона во 2020 година од Палмеирас со отштета од седум милиони евра. Каталонскиот клуб тогаш постави ослободителна клаузула од 300 милиони евра за бразилскиот фудбалер, кој потпиша договор со Барселона до крајот на 2025 година.
Во сезоната 2020/21, Бразилецот одигра само 17 минути за Барселона во натпреварот од Лигата на шампионите против Динамо Киев, а тимот од Ноу Камп го ослободи Бразилецот во летото 2021 година.
Barcelona have been ordered to pay £7.5million to their former midfielder Matheus Fernandes – despite playing for just 17 minutes of first-team football https://t.co/eZ0DpXR1K4
— Mirror Football (@MirrorFootball) January 10, 2023
Тогаш Фернандес за ова го тужеше каталонскиот клуб и бараше отштета од речиси 15 милиони евра, но шпанскиот суд одлучи Барса на Фернандез да му плати вкупно нешто повеќе од 8,5 милиони евра.
Шпанските медиуми пренесуваат дека Барселона има право на жалба до Врховниот суд на правдата. Фернандес е член на Палмеирас, а до крајот на оваа година ќе игра како позајмен во Брагантино.