Со чартер лет од грчкиот остров Лезбос за Германија, заминаа 82 признаени бегалци, јави дописничката на МИА од Атина.

Релокацијата на бегалците од островот со чартер летови за Германија е во рамките на договорот меѓу грчкиот премиер Кирјакос Мицотакис и германската канцеларка Ангела Меркел за преземање 1.553 лица по катастрофалниот пожар во кампот Мориа, а се спроведува од Министерството за миграција и азил на Грција во соработка со Меѓународната организација за миграција и со финансиска поддршка од Европската комисија.

Од Министерството за миграција и азил на Грција соопштуваат дека досега, од Лезбос за Германија заминале 906 признати бегалци, од кои 425 со директни летови, а 481 со летови од континеталниот дел на Грција поради рестрикциите наметнати од пандемијата.

Првиот чартер лет од Лезбос за Хановер беше на средината на минатиот месец.