Денес во СЦ „Јане Сандански“ Партизан ја оправда фаворитската улога и славеше во дуелот со МЗТ Скопје со 74:92.

Натпреварот беше решен во првата четвртина која Партизан ја доби со 25:9, во останатите периоди МЗТ рамноправно се носеше со гигантот од Белград. Тренерот Жељко Обрадовиќ истакна дека е задоволен од победата, но и ја пофали атмосферата во салата.

„Пред се сакам да се заблагодарам на навивачите на двата тима и на домаќинот за одличната кошаркарска атмосфера. Натпреварот го отворивме со агресивна игра и одлучувачката предност знаевме како да ја задржиме. За МЗТ се подготвуваме најсериозно, ова е само почеток на сезоната и тешко е нешто да се анализира или прогнозира. Натпреварот од почетокот до крајот во ниту еден момент не изгледаше како завршен“, изјави Обрадовиќ.

Во следното коло МЗТ ќе се соочиу со екипата на Будуќност.