Деновиве е објавена електронската книга „Кон-текстот: дигитални осврти (македонската книжевност во првите две децении на дваесет и првиот век)“. Книгата е резултат на истражувањето на дипломирани и тековни студенти на Филолошкиот факултет „Блаже Конески“ при УКИМ – Скопје, во соработка со професорката Калина Малеска како уредничка на книгата.

Авторите и авторките на поглавјата напишале кратки осврти за творештвото на избраните писатели и писателки за дела напишани од 2001 до 2020 година. Идејата е да се опфатат што поголем број писател(к)и од овој период и со тоа да се поттикне преиспитување на самиот концепт на канонот.

За да се постигне таа цел, се планира книгата да се прошири во наредните години и да има и второ издание. Книгата е самостојно издание во електронска верзија и може да се преземе тука.

(Текстот е објавен во „Културен печат“ број 170, во печатеното издание на весникот „Слободен печат“ на 11-12.3.2023)