Објавена е поетската збирка „Светлината во нашите вени“ на Стефан Марковски
Во издание на „Современост“ – Скопје, објавена е новата поетска збирка „Светлината во нашите вени“ на Стефан Марковски. Стихозбирката на 100 страници содржи вкупно 39 песни распоредени во шест циклуси: Светлината во нашите вени, Пријател со времето, Пребирливоста на стихот, Машински метаморфози, Политикологија на дишењето и Бакнежност.
Дизајнот на корицата е на Александар Митриќески, а уредник на изданието е Снежана Стојчевска.
– Именките се преобразуваат во глаголи и преземаат трескавично дејство (есента започнува да есенува), бакнежот од себе истиснува именка – двојник и укажува на состојба (бакнежност), обичните лексеми си ги наслушнуваат еуфемиските блискости и ги премостуваат огромните семантички растојанија што ги разделуваат, па пилите и липите, во реалноста намовнати од конфликтност, овде ги гледаме во творителна пермутациска лирска прегратка (пили, липи).
Пребирливост на стихот, војување со перото. Технé… – меѓу другото, подвлекува македонскиот поет и книжевен критичар Санде Стојчевски за новата стихозбирка на Стефан Марковски.
(Текстот е објавен во „Културен печат“ број 222, во печатеното издание на весникот „Слободен печат“ на 16-17.3.2024)