Јаболковиот оцет стана задолжителна секојдневна практика за многу луѓе со вишок килограми што сакаат да ослабнат.

Меѓутоа, нутриционистите почнаа и да го свртуваат вниманието на нуспојавите што може да ги предизвика овој пијалак.

1. Јаболковиот оцет може да предизвика сериозни проблеми со желудникот и стомакот. Не треба да се игнорира фактот дека јаболковиот оцет е, сепак, киселина. Затоа не е чудно што некои луѓе не го поднесуваат, па секој што има проблеми со стомакот треба да го избегнува. Тоа особено се однесува на сите што страдаат од улцерозен колитис и воспаление на дигестивниот тракт.

2. Јаболковиот оцет може лошо да влијае врз варењето на храната. Јаболковиот оцет содржи пектин, бидејќи се прави од ферментирани јаболка. Иако пектинот е добар за столицата, ако пиете поголема количина јаболков оцет, може да добиете дијареја (пролив). Диетичарите велат дека тоа влече повеќе вода во цревата, така што столицата станува потечна и почеста.

3. Јаболковиот оцет може да го загрози имунитетот. Пробиотиците во цревата се неопходни за силен имунолошки систем, но јаболковиот оцет го загрозува нивното дејство.