Нови откази во „Твитер“
„Твитер“ отпушти нов бран вработени откако Илон Маск ја купи социјалната мрежа минатиот октомври. „Њујорк тајмс“ наведува дека се отпуштени 200 работници, или 10 отсто од преостанатите 2.000 вработени.
Отпуштањата во главно се од инженерските тимови, вклучително и оние кои ја одржуваат технологијата за рекламирање, главната апликација на „Твитер“ и техничката инфраструктура.
The Twitter employee that went viral for her tweets on sleeping at the office to deliver for the company, reportedly has been fired in the latest round of layoffs. https://t.co/vHAjALr72D pic.twitter.com/JzFeUt1Daj
— Los Angeles Magazine (@LAmag) February 26, 2023
Директорот за управување со производи Естер Крафорд, како и основачите на помали компании купени од „Твитер“ пред преземањето на Маск, се меѓу отпуштените.
Компанијата отпушти околу 3.700 работници на почетокот на ноември како дел од мерките на Маск за намалување на трошоците. Бројот на вработени во „Твитер“ е намален за околу 75 отсто од октомври и сега е околу 2.000.
Маск во ноември изјави дека социјалната мрежа забележува „голем пад на приходите“ бидејќи огласувачите се повлекуваат поради сомневањата за квалитетот на уредувањето на содржината на социјалната мрежа.