Ноќеска и утринава израелската авијација десетици пати го бомбардираше појасот Газа, од каде вооружени групи истрелаа ракети кон Израел.

Нападите предизвикаа прекин на струјата, а стотици згради се оштетени.

Израелската објави дека цел биле девет згради каде се наоѓаат високи функционери на Хамас, а во некои од нив имало и складирано оружје.

Новите израелски напади се извршени врз палестинската енклава, која е под контрола на екстремистичкиот Хамас од 2007 година, еден ден откако беше забележан најлошиот биланс од почетокот на новите конфликти. Во нападите загинаа 42 Палестинци, вклучувајќи најмалку осум деца и двајца лекари.

Вкупно 197 Палестинци се убиени од 10 мај, од кои најмалку 58 деца и над 1.200 ранети. Од израелска страна, во нападите на палестинските вооружени групи од појасот Газа врз Израел се убиени десет лица, меѓу кои и едно дете, а 294 се ранети.