Жените и мажите изненадувачки делат исти преференции кога станува збор за изборот на помлади партнери, на начин којшто многумина не го забележуваат.

Според новото истражување, жените подеднакво ги привлекуваат помлади партнери исто како што и мажите ги привлекуваат помлади партнерки, иако можеби не се свесни за тоа. Научниците дошле до овој заклучок по студијата во која учествувале 4.500 луѓе кои оделе на состаноци на слепо во потрага по долгорочен партнер.

Резултатите покажале дека, без разлика на преференциите, повеќето учесници, без разлика на полот, биле повеќе наклонети кон помлади лица.

Ова истражување носи нови сознанија за тоа како се развива почетната привлечност помеѓу партнерите, а со самото тоа и разбирањето на романтиката во контекст на реалните средби, пишува „Њујорк пост“.

Водечкиот автор на студијата, Пол Иствик, професор по психологија на Универзитетот во Калифорнија, вели дека „по состаноците на слепо, учесниците повеќе ги привлекувале помладите партнери, а овој тренд е подеднакво присутен и кај мажите и кај жените“.

„Оваа преференција за помлади кај жените ќе изненади многумина бидејќи во традиционалните хетеросексуални парови мажите обично се постари од жените. Освен тоа, жените генерално велат дека претпочитаат постари партнери. Меѓутоа, преференциите на жените на самите состаноци откриваат нешто сосема друго“, рекол Иствик.

Ова истражување, објавено во списанието „Proceedings of the National Academy of Sciences“ (PNAS), опфатило широк опсег на возрасти – луѓе од 22 до 85 години.

Истражувачкиот тим тврди дека ова е првпат односот помеѓу возраста на партнерот и романтичната привлечност да се испитува во контекст на состаноци на слепо меѓу луѓето кои бараат долгорочни партнери.

Научниците ги анализирале податоците од повеќе од 6.000 учесници кои ги споила компанијата за запознавање. Половина од учесниците биле мажи, а другата половина жени, а повеќето морале да одат на состанок со спротивниот пол. Исто така, во одговорите на прашањата од анкетата, мнозинството изјавиле дека имаат горна старосна граница при изборот на партнерот, но таа старосна граница не влијаела на вистинскиот избор.

Истражувачите, исто така, проучувале дали жените со повисоки примања почесто избирале помлади партнери. Некои од жените во студијата биле доста богати. Но, според наодите, имало мошне малку докази дека приходот – без разлика дали се работи за приход на нивните партнери или нивен сопствен – влијаел на ова благо преферирање за помлади партнери.

Студијата не истражувала дали романтичната привлечност на првиот состанок води до долготрајни врски. Но, Иствик додал дека „овие извештаи укажуваат на тоа дека мажите и жените ја сметаат младоста нешто попривлечна во почетните фази – дури и ако не се свесни за тоа.