На вториот ден од новата година, Скопје останува на врвот на градовите со најголема загаденост. Според реномираната страница за мерење на квалитетот на воздухот IQAir, Скопје е 11 најзагаден град во светот со индекс 163.

Според податоците на страницата „WAQI“, во околината на Гази Баба, Лисиче, Ѓоре Петров и Тафталиџе загаденоста на воздухот е на многу високо ниво.

Пред Скопје се само Дака, Делхи, Лахор, Хангжу, Шенјанг, Карачи, Ташкент, Калкута, Багдад и Акра.

Во услови на нечист воздух, се препорачува малите деца, бремените жени, хроничните болни и повозрасните луѓе да не излегуваат на отворено, граѓаните да не ги користат своите автомобили без поголема потреба и да го користат јавниот превоз. Се повикуваат сопствениците и корисниците на камионите да не ги користат ако немаат регулирано испуштање на отпадните гасови, а граѓаните при затоплување на своите домови, да не користат недефинирани горива и отпадни материи од различни технолошки процеси.

Скапо ни е да ги мериме опасните хемикалии во воздухот, па лесно ги губиме прескапите животи