Овие денови актуелни се вестите од Италија за скандалот со обложување во кој се вмешани повеќе познати фудбалери. Николо Фаџоли кој денес имаше и емотивна исповед веќе ја доби својата суспензија, а со сериозни санкции би можел да се соочи Сандро Тонали.

Сегашниот фудбалер на Њукасл е обвинет дека се обложувал и на натпревари на Милан додека го носел дресот на „росонерите“.

Денес за првпат во јавноста со соопштение се огласи и англискиот премиерлигаш.

„Њукасл може да потврди дека Сандро Тонали е предмет на истрага на италијанското обвинителство и Италијанската фудбалска федерација поради незаконско обложување. Сандро е вклучен и помага во истрагата соработувајќи со надлежните органи. Тој и неговото семејство ќе продолжат да добиваат целона поддршка од клубот. Поради процесот кој е во тек, Сандро и Њукасл не би можеле да дадат дополнителен коментар“, стои во соопштението.