Македонскиот голман Никола Митревски повторно блескаше во дресот на Порто во рамките од португалското ракометно првенство.

Нашиот репрезентативен голман придонесе со 14 одбрани во гостинската победа од 34:29 против екипата на Бенфика.

На спротивната страна за Бенфика Филип Талески три пати се запиша во листата на стрелците.

Митревски во текот на минатата седмица исто така имаше одлична партија во дербито против Спортинг со девет одбрани.

Моментно на табелата во португалскиот шампионат Спортинг води со 43 бодови, пред Порто со 41, следуваат Бенфика (35) и Брага (29).

Митревски и Талески последни доаѓаат во националниот тим кој се подготвува за баражот против Фарски Острови за пласман на Светското првенство 2025.