Поранешниот капитен на Манчестер јунајтед, Гери Невил го прокоментира поразот на „црвените ѓаволи“ од Брентфорд во Премиер лигата и смета дека очајно одработените преодни рокови во последните неколку сезони се главната причина за лошите резултати на екипата.

Јунајтед по две кола во Премиер лигата е последен на табелата со два порази и тоа од екипи како Брајтон и Брентфорд.

– Успех е да се потрошат милијарда фунти и да бидете волку лоши. Ако некој мислеше дека Манчестер јунајтед не може да падне пониско, сега покажаа дека е возможно. Ова е новото дно – вели Невил.

Поранешниот дефанзивец кој има и 85 настапи за англиската репрезентација, смета дека голем дел од вината лежи и во самите фудбалери.

– Овие фудбалери под тројца менаџери покажаа дека не трчаат доволно. Немаат самодоверба и потребна им е помош. Вистината е дека ситуацијата е многу, многу лоша – додава Невил.