Нема спас за фонтаната на плоштад Македонија, уште еден камион пропадна во неа
Подната фонтана на плоштадот Македонија е оштетена и не е во функција подолго време откако на двапати во неа пропаѓаа камиони. Денеска тоа и по третпат се случи, фонтаната е повторно оштетена од камион, веројатно од оние кои работат на поставување на опремата за претстојниот фестивал, што значи дека нема спас за фонтаната.
Приватен субјект со возило камион без дозвола неовластено влегол на плоштадот Македонија, по што е причинета штета на плочникот. Градот Скопје остро го осудува овој чин, ќе ги преземе сите законски мерки за извршување на инспекциски надзор како и за санкционирање, по што за причинетата штета врз јавните добра на плоштадот ќе се бара надомест на штета. Ваквото однесување од страна на поединци е недозволиво и за него ќе се спроведат најстроги санкции – велат од Град Скопје.
ФОТО: Се преврте комунално камионче во фонтаната на плоштадот Македонија