Оваа голема победа го воодушеви поранешниот менаџер на Тотенхем, Хари Реднап кој во најавите за остатокот од сезоната оди чекор подалеку.

– Доколку ме прашате, мислам дека Тотенхем може да заврши меѓу најдобрите четири екипи во Премиер лигата. Мислам дека дури би можеле да ја освојат титулата. Знам дека луѓето ќе речат дека сум луд, но погледнете им го составот. Изгледа дека се ќе биде отворено сезонава, а тоа се покажа и за време на викендот со неверојатните резултати. Тотенхем има опасен тим, покриени се на секоја позиција и доколку некоја екипа може да ги изненади Ливепрул и Манчестер сити тоа ќе биде токму Тотенхем – изјави Реднап.

Тотенхем во првите четири кола во Премиер лигата има скор од две победи и по едно реми и пораз за шесто место на табелата.