Недостиг на антиботици за деца во САД
Во САД се зголемува недостигот на клучни лекови за лекување на детските болести како што се респираторните инфекции.
Во моментов имаме сериозен недостиг од лекови. Тамифлу за деца немаме, и едвај имаме за возрасни. Што се однесува до антибиотиците, не останаа многу, вели фармацевтот од Оклахома, Рене Крафт, пренесе Си-Ен-Ен.
Најмногу недостига Амоксицилин, а американскиот Центар за контрола и превенција на болести (ЦДЦ) објави дека циркулација на вируси во повеќе од половина од американските држави е „висока”, а во некои случаи и „многу висока”.
Сведоци сме на рекорден број на респираторни инфекции кај малите деца. Обично, врвот на бранот е во декември или јануари, но сега тоа се случува во ноември, потенцира Скот Робертс, експерт за заразни болести на Универзитетот Јеил, јавија американски медиуми. Тој додаде дека коронавирусот е сè уште доминантен.