Не слабејте со кафе или чај од Интернет, содржат опасни супстанци!
Германската канцеларија за заштита на потрошувачите и безбедност на храна предупредува да не се купуваат производи од чај и кафе на Интернет, пишуваат германските медиуми.
Властите итно ги предупредија клиентите за производите на брендот Старт Лајф од Турција, кој продава производи од кафе и чај преку интернет мрежите како Инстаграм и Фејсбук, дека содржат штетна материја.
„Производите содржат непријавен потиснувач на апетит сибутрамин“, објавија властите во пораката на нивниот потрошувачки портал Лебенсмиттелварнунг.де. Тоа е недозволена и штетна супстанција, пишуваат германските медиуми.
Сериозните несакани ефекти вклучуваат зголемен ризик од срцев удар кај кардиоваскуларни пациенти, зголемен крвен притисок, главоболки и несоница. „Имаше смртни случаи“, предупредија властите. Супстанцата е пронајдена во кафето, билниот чај од шипинка, детоксикацискиот билен чај во прав и билниот чај со лимон.